Finlanda ka thënë të martën se do ta mbyllë të gjithë kufirin me Rusinë pas shqetësimeve se Moska po orkestron dyndjen e emigrantëve drejt shtetit nordik si pjesë e “luftës hibride” së Rusisë ndaj Finlandës e cila sapo ka hyrë në NATO
Finlanda veq se kishte mbyllur 7 pikë kalime kufitare në kufirin prej rreth 1,340 kilometra që e ndan me Rusinë si pasojë e një rritje të shpejtë të emigrantëve nga Lindja e Mesme dhe Afrika që mësynin Finlandën. Helsinki ka akuzuar Moskën se e ka orkestruar ardhjen e këtyre grupeve të emigrantëve drejt vendit nordik.
Kryeministri finlandez Petteri Orpo i ka thënë gazetarëve se vendi i tij po përballet me një situatë të jashtëzakonshme për të cilën fajësoi Moskën.
Ai tha se Finlanda ka arsye të mjaftueshme që të dyshoj se ardhja e emigrantëve në kufijt e sajë po vijnë nga një organizim i një shteti tjetër. Ai shtoi se kjo rritë influencën ruse dhe se ata nuk do ta pranojnë atë. Sipas tij ai nuk do të pranoj asnjë përpjekje e cila e minon sigurinë nacionale të Finlandës, raporton The Associated Press.
Bllokimi total i kufirit me Rusinë pritet të zgjasë 2 javë pas të cilës do të hapet vetëm një vendkalim ka thënë qeveria finlandeze.