Një nga pamjet ikonike të Princeshës Diana, po bëhet gati të shitet. Bluza rozë ikonë e Princeshës së Uellsit e veshur në portretin e saj të fejesës në vitin 1992 me princin e atëhershëm Charles do të jetë e disponueshme për t’u blerë si pjesë e ankandit të “Julien’s Auctions” dhe “Turner Classic Movies Hollywood Legends”, ku pritet të sjellë nga 80,000 deri në 100,00 dollarë.
Bluza e famshme e portretit të fejesës u dizajnua nga David dhe Elizabeth Emanuel të cilët më vonë e krijuan dhe fustanin e saj të dasmës.
Sipas Julien’s Auctions, Diana e zgjodhi bluzën nga një raft veshjesh që i ishte paraqitur nga ish- redaktori i modës i Vogue, Anna Harvey.
Ankandi do të zhvillohet nga 14 dhjetor deri më 17 dhjetor, si në Beverly Hills ashtu edhe në faqen e ankandit, në ditën e katërt që quhet “Glamour, Grace and Greatness”.
Kompania e ankandit e përshkruan atë si një koleksion i disa prej yjeve që të bëjnë ta kthesh kokën dhe bëjnë pjesë të ikonave më të mëdha të stilit të të gjitha kohërave, të krijuara nga disa prej stilistëve më të vlerësuar dhe të nderuar në historinë e modës dhe të Hollivudit.
Në shitje muajin e ardhshëm gjatë ankandit është po ashtu një fustan mbrëmjeje i veshur nga Diana dhe i dizajnuar nga Jacques Azagury, i cili vlerësohet të sjellë nga 100,000 deri në 200,000 dollarë. Ky fustan u vesh nga Diana në Firence në vitin 1985.
Ankandi do të përfshijë gjithashtu pjesë të veshura nga Audrey Hepburn , Gloria Swanson, Barbra Streisand dhe sende të tjera interesante – të tilla si një laptop origjinal me porosi Apple PoëerBook G3 i përdorur nga Sarah Jessica Parker për Sex and the City .