Nuk ishte darka e fundit për pasagjerët e klasit të parë në bordin e “RMS Titanic”, por aty afër. Menuja unike e një anijeje të mbijetuar nga 11 prilli 1912, duke dalë në ankand këtë fundjavë, ka zbuluar ëmbëlsirat që u shërbyen në anije, e cila do të godiste tre ditë më par një ajsberg në udhëtimin e saj të parë përtej Atlantikut.
Ajo shtron disa pyetje interesante: mes tyre, kush e rrëmbeu menunë ndërsa erdhën varkat e shpëtimit dhe çfarë është pudingu Victoria?
Për të dytën mund të përgjigjemi më lehtë. Ëmbëlsirë, e cila u ofrua e shoqëruar me kajsi dhe akullore franceze atë mbrëmje, bëhet duke përzier miell, vezë, reçel, raki, mollë, qershi, sheqer dhe erëza.
Më 11 prill, ajo pasoi salmonin, viçin, rosën dhe pulën, të shërbyera me patate, oriz dhe pure majdanozi. Menuja detajon vaktin e shërbyer një ditë pasi anija u largua nga Queenstown, Irlandë, duke u nisur për në New York dhe po shitet nga Henry Aldridge & Son of Wiltshire, së bashku me sende të tjera të rralla të Titanikut, duke përfshirë një batanije.
Menuja u gjet në një album fotografik të viteve 1960 që dikur i përkiste Len Stephenson, një historian i komunitetit në Dominion, Nova Scotia.
Andrew Aldridge, menaxheri i shtëpisë së ankandeve, beson se ndërsa disa meny të tjera të klasit të parë i mbijetuan rrënimit që çoi në vdekjen e 1 mijë e 500 njerëzve, asnjë për këtë mbrëmje nuk dihet.
Në ankand, kujtimet e Titanikut ndahen në kategori të gjera, secila me status të ndryshëm.
Disa u gjetën nga rrënojat, disa janë në pronësi të të mbijetuarve dhe disa, si menuja e pasur e darkës për 11 prillin, ka të ngjarë të jenë hequr nga anija si kujtime.