Kryetarja e Qytetit të Shkupit, Danela Arsovska dhe Përfaqësuesi i Përhershëm i Programit të Kombeve të Bashkuara për Zhvillim (UNDP), ambasadori Armen Grigorjan, mbajtën takim pune në të cilin morën pjesë 40 përfaqësues të Qytetit të Shkupit dhe UNDP-së, duke diskutuar politikat kyçe të zhvillimit në nivel lokal zbatimi i të cilave vijon.
Përfaqësuesit nga Qyteti i Shkupit dhe ndërmarrjet publike prezantuan aktivitetet dhe projektet aktuale të qytetit, si dhe planet për të ardhmen, ndërsa përfaqësuesit e UNDP-së i prezantuan fushat me mundësi për realizimin e përbashkët të projekteve të bashkëpunimit, me fokus mbrojtjen e mjedisit si dhe projekte që synojnë zhvillimin gjithëpërfshirës dhe të qëndrueshëm në nivel lokal.