Familja e 22 vjeqares gjermano-izraelite Shani Louk e cila ishte rrëmbyer nga Hamasi dhe ishte dërguar në Rrip të Gazës është informuar se ajo ka vdekur, transmeton Gazeta Metro.
Nëna e saj Ricarda ka thënë për mediumin gjerman RTL se ajo ka pranuar lajmin fatkeq se vajza e saj nuk është e gjallë.
Ricarda Louk së pari kishte ngritur alarmin për vajzën e saj kur e kishte parë në një video që po qarkullonte në internet nga e cila e kishte njohur.
Presidenti izraelit Isaac Herzog tha më vonë për mediat gjermane se Louk besohet se i është prerë koka.
Në një intervistë për gazetën Bild , ai tha: “Më vjen vërtet keq të raportoj se tani kemi marrë lajmin se Shani Nicole Louk është konfirmuar e vrarë dhe e vdekur.
“Kjo do të thotë se këto kafshë barbare, sadiste ia prenë kokën ndërsa sulmuan, torturuan dhe vranë izraelitët. Është një tragjedi e madhe dhe i shpreh ngushëllimet më të thella familjes së saj.”
Ajo ishte marrë nga një festival i muzikës në një shkretëtirë afër kufirit me Rripin e Gazës. Pavarësisht se Louk është deklaruar e vdekur, trupi i saj nuk është kthyer nga Gaza.
Familjarët e Louk janë lajmëruar nga shërbimi i shpëtimi në Izrael (Zaka) ku ju është kumtuar lajmi se kanë gjetur një kockë nga kafka e saj pa të cilën një person nuk mund të mbijetoj dhe nga testet ka rezultuar që është e saj.