Një risi mbresëlënse u prezantua së fundmi në “Young Scientist Challenge”. 14-vjeçari Heman Bekele krijoi një sapun me përbërës kundër melanomas, kancerit të lëkurës gjë për të cilën u nderua me çmimin e parë dhe 25 mijë dollarë. Bekele ka lindur në Etiopi dhe ka emigruar në SHBA bashkë me familjen kur ishte 4-vjeç. Që i vogël ai ishte i dhënë pas shkencës. Ai u shpreh se:
Krijoja programe lojërash, më pëlqente shumë.
Por si e krijoi sapunin? 14-vjeçari shprehet ndër të tjera se:
I kam studiuar shumë mirë kimikatet dhe jam përpjekur mos t’i përdor. E veçanta e këtij sapuni është se nëse hidhet në treg, do ketë një çmim tejet të përballueshëm.
Bekele shton se sapuni kurativ i lindi si ide kur dëgjonte për problemet e shumta që kishin njerëzit gjatë verës me rrezet e diellit, apo rastet kur diagnostikoheshin me kancer lëkure vetëm si pasojë e ekspozimit ndaj solucioneve të gabuara. Heman ka siguruar tashmë një ‘patentë’ për sapunin e tij, i cili tani është në pritje të miratimit të FDA, në mënyrë që, nëse gjithçka shkon mirë, mund të dalë në treg në vitin 2025.