Sektori joqeveritar gjatë disa seancave të Këshillit kërkuan përgjigje nga qeveritarët për këtë vendim dhe pasi nuk morën përgjigje, vendosën ta bojkotojnë Këshillin. Ata ankohen gjithashtu se kryeministri Dimitar Kovaçevski, nuk komunikon fare me përfaqësues të sektorit civil, përkundër letrave për të diskutuar për problemin
Zenel MIFTARI
Shkup, 23 tetor – Bashkëpunimi mes Qeverisë dhe organizatave joqeveritare (OJQ) është në këmbë qelqi. Edhe pse në vend kemi edhe një Këshill për komunikim në mes të Qeverisë dhe shoqërisë civile, i cili praktikisht është bojkotuar për gati dy vite dhe mungesën e komunikimit mes Qeverisë dhe sektorit civil. OJQ-të ankohen për mosfunksionimin e këtij Këshilli. Sipas tyre, arsyeja e mosfunksionimit të Këshillit, që nga ana tjetër është një arsye e drejtpërdrejtë pse Qeveria dhe OJQ-të tanimë po bashkëpunojnë më pak, në fakt qëndron në faktin se Qeveria gjatë rishpërndarjes së fondeve buxhetore për vitin 2022, ka marrë vendim për rishpërndarja e parave për sektorin joqeveritar.