Palestinezët dolën në rrugët e Bregut Perëndimor për të protestuar kundër luftës së Izraelit ndaj Rripit të Gazës, për të dytën ditë.
Protestuesit u përleshën me forcat e sigurisë të Autoritetit Palestinez, në shenjë revolte pas shpërthimit të rëndë në në një spital në Rripin e Gazës, me pasojë vdekjen e qindra personave.
Në marshimet në Nablus dhe Ramallah, protestuesit brohoritën kritika ndaj Izraelit, SHBA-së dhe lëvizjes Fatah të Presidentit të Autoritetit Palestinez Mahmud Abbas, të cilin ata e akuzojnë për bashkëpunim me Izraelin.
Forcat e sigurisë në Ramallah hodhën gaz lotsjellës dhe granata trullosëse drejt turmës si kundërpërgjigje. PA, e cila qeveris pjesë të Bregut Perëndimor që nuk janë nën kontrollin e plotë të Izraelit, ka selinë e saj në qytet.
Ka rreth 3 milionë palestinezë dhe 600,000 kolonë izraelitë që jetojnë në Bregun Perëndimor, të cilin Izraeli e pushtoi në luftën e Lindjes së Mesme të vitit 1967.