Ministri i Punëve të Jashtme, Bujar Osmani, në konferencën me temë “Pashtetësia në Evropën Juglindore”, tha se Maqedonia e Veriut synon të pajis të gjithë qytetarët me shtetësi. Osmani shtoi se aktualisht qytetarët pa shtetësi janë të privuar nga shumë shërbime, dhe për këtë shkak kërkohet zgjidhje sistemore për këtë problem.
“Duke qenë se Maqedonia e Veriut vetëm në vitin e fundit ka bërë amendime të ligjit për të mundësuar zgjidhje sistemore të çështjes së njerëzve të cilët janë apatridë ose pa shtetësi, ambicia jonë është që të jemi vendi i parë në Europë që nuk do të ketë asnjë qytetar pa shtetësi”, theksoi Osmani.