Kryetari i Komunës së Sarajit Blerim Bexheti informon qytetarët se sot në Matkë, Uninoni i Shoqatave Bjeshkatare, nën patronazhin e Shoqatës DARDANIA – Shkup bëri aktivitetin e parë, ecjen promovuese të emëruar “Shtigjet e Bashkimit”.
Në këtë aktivitet u bë ecja e shtegut deri në majën e Matkës, që është në lartësi mbidetare prej 1044 m, në gjatësi prej 10-12 km në dy drejtime, ku morën pjesë afër 400 persona nga shoqata të ndryshme nga vendi dhe rajoni.
Komuna e Sarajit do të vazhdoj me përkrahjen e shoqatave bjeshkatare në komunën tonë, të cilat ndikojnë në promovimin e shtigjeve malore dhe nxisin vizitorë nga vende të ndryshme.
