Sezoni i ngrohjes në Shkup fillon sot dhe do të zgjasë deri më 15 prill të vitit të ardhshëm, ndërsa çmimi për energjinë ngrohëse të shpenzuar për momentin mbetet i njëjtë.
Një vendim i ri për çmimin do të merret pas instalimit të gazsjellësit në urën e Bellasicës.
Nga Komisioni Rregullator për Energji informojnë se sipas rregullave për furnizim me energji termike dhe Sistemit tarifor për shitjen e energjisë termike, sezoni i ngrohjes në Shkup fillon më 15 tetor 2023 dhe përfundon më 15 prill 2024 me mundësi zgjatjeje edhe për 15 ditë, varësisht nga temperaturat e jashtme.