Pothuajse 5 kilogramë bizhuteri argjendi dhe bizhuteri janë konfiskuar nga doganierët në Aeroportin Ndërkombëtar të Shkupit. Shtetasit e huaj nuk i kanë deklaruar bizhuteritë gjatë daljes apo hyrjes nga vendi.
“Në një rast bëhet fjalë për rreth katër kilogramë bizhuteri argjendi dhe bizhuteri që janë gjetur tek një shtetas britanik, përndryshe pronar i një argjendarie, ka tentuar të nxjerrë jashtë vendit, pa i deklaruar tek doganierët mallrat me karakter tregtar. Bizhuteritë u zbuluan gjatë kontrollit të bagazheve të dorës dhe bagazheve shtesë, të cilat u kërkuan nga doganierët pas kontrollit të kartës së pasagjerit. Në rastin e dytë, në hyrje të vendit janë sekuestruar 123 bizhuteri argjendi pas kontrollit të një pasagjeri, përndryshe një shtetas turk, i cili ka udhëtuar nga Stambolli“, njofton Dogana.