Rusia ka shënjestruar Ukrainën me dronë në një sulm masiv të enjten kur Presidenti ukrainas Volodymyr Zelenskyy udhëtoi në Spanjë për të marrë pjesë në Samitin e Granadas ku do të takohen 50 lider evropian
Forcat ajrore të Ukrainës kanë thënë se sistemet e tyre anti ajrore kanë rrëzuar 24 nga 29 dronët iranian që i kishte nisur Rusia në rajonin jugor të Odesas, Mykolaivit dhe Kirovohradit.
Andriy Raykovych, kreu i rajonin Kirovohrad ka thënë është goditur infrastruktura e rajonit dhe se ekipet emergjente janë në teren duke luftuar zjarret e nisura nga sulmi, ai shtoi se nuk ka viktima të regjistruara deri më tani, raporton The Associated Press.
Sulmi vjen kur Zelenskyy ndodhet në Spanjën jugore për të marrë pjesë në Samitin e Komunitetit Politik të Evropës i cili është themeluar pas pushtimit rus të Ukrainës.