Shtëpia e shëndetit Tetovë përmes një komunikate për media e informon opinionin se nuk është mjeti i tyre i ndihmës emergjente mjekësore për të cilin disa portale kanë publikuar video dhe kanë shkruar se inventari po transportohet në objektin e lojërave të fatit.
Sipas Shtëpisë së shëndetit të Tetovës, vetura është e një institucioni privat.
Në interes të së vërtetës ju njoftojmë se në disa portale po qarkullon një video në të cilën përmendet se bëhet fjalë për autoambulancë në Tetovë e cila cenon reputacionin e ndihmës së shpejtë mjekësore është e pavërtetë, video e treguar nuk është automjet i ndihmës mjekësore emergjente ose autoambulancë, e cila punon në kuadër të Shtëpisë Shëndetësore të Tetovës, por është autoambulancë në pronësi të institucionit privat shëndetësor, njofton Qendra Shëndetësore e Tetovës në rrjetin social Facebook.