Kryetarja e Qytetit të Shkupit, Danella Arsovska sot prezantoi projektin Re-Construct, i cili mbështetet nga Bashkimi Evropian.
Në forum morën pjesë përfaqësues nga Sllovenia, përfaqësuesi i delegacionit evropian Aleksandru Albu, përfaqësues të ndërmarrjeve publike dhe institucioneve shtetërore, profesorë universitarë, ekspertë të mjedisit, si dhe përfaqësues të sektorit joqeveritar.
Qyteti i Shkupit i pari në Maqedoni me riciklimin dhe ripërdorimin e rrënojave ndërtimore për të përballuar ndotjen dhe reduktimin e mbeturinave.
Modele të reja inovative për riciklimin dhe ripërdorimin e mbetjeve të ndërtimit dhe rrënojave, duke inkurajuar koherencën e politikave, integrimin dhe vizionin afatgjatë të nismave ekzistuese në lidhje me ekonominë rrethore, ishin vetëm disa nga temat e diskutuara në forumin për prezantimin e aktiviteteve të projektit Re- Construct.
Qyteti i Shkupit është e vetmja njësi e vetëqeverisjes lokale në Maqedoni që punon në trajtimin inovativ të mbeturinave ndërtimore dhe rrënojave, duke gjetur mënyra për shndërrimin dhe ripërdorimin e tyre. Me realizimin e këtij projekti do të nisë aplikimi i riciklimit të mbetjeve të ndërtimit në territorin e qytetit, do të vendoset mekanizimi operacional për përpunimin e mbetjeve të ndërtimit, do të trajnohen 30 teknikë për menaxhimin e mekanizimit për përpunimin e ndërtimeve.
Kjo paraqet një mundësi të shkëlqyer për të shkëmbyer njohuri me komunën e Nova Goricës-Slloveni, përvoja dhe shembuj pozitivë që ndikojnë në rritjen e gatishmërisë së administratës së qytetit dhe ndërmarrjeve publike për të zbatuar zgjidhje të reja për trajtimin e mbeturinave.