Ura “Belasica” është e sigurtë, por për ta lëshuar në tërësi duhet riparim në pjesën e poshtme.
ESM ka marrë përgjegjësinë për riparimin e pjesës së poshtme dhe pasi të ketë përfunduar, atëherë do të fillohet me instalimin e tubave të energjisë termike që u hoqën pas zjarrit që përfshiu urën në maj, tha sot kryetarja e Qytetit të Shkupit, Danela Arsovska.
Ajo shtoi se ura ka dëmtime të vogla, të cilat nuk cenojnë stabilitetin dhe sigurinë.
– Ka dëmtime të vogla në urë që nuk cenojnë qëndrueshmërinë dhe sigurinë, por duhet të riparohen para së gjithash nga dëmtimet e shkaktuara nga djegia. Atë riparim nuk e bën Qyteti i Shkupit, e bën ai që duhet ta bëjë instalimin e tubave të energjise termike. Pasi ESM të ketë përfunduar riparimin fillestar, do të fillojë instalimin e tubacionit. Të dyja janë përgjegjësi e tyre. Në këtë, Qyteti i Shkupit nuk ka as input, as obligim, as ndikim dhe nuk është kompetent që në një afat të caktuar t’i udhëzojë që t’i vendosin gjërat që janë në interes të fillimit të sezonit të ngrohjes me kohë, tha Arsovska në konferencën për përzgjedhjen e Shkupit – Kryeqytet i Kulturës Evropiane 2028.