Kryetarja e qytetit të Shkupit, Danela Arsovska, sot realizoi takim me konsullin e Republikes Çeke në Maqedoni,David Chernohorski,ku biseduan për mbështetjen e vazhdueshme të Ambasadës për projektet e bashkëpunimit dypalësh, dhe veçanërisht në aktivitetet që pasojnë shpalljen nga BE-ja të Shkupit si Kryeqytet Evropian i Kulturës. Projekt ky i cili do të hapë mundësi të shumta për organizimin e përbashkët të ngjarjeve kulturore dhe projekteve për përmirësimin e infrastrukturës.
Në takimin e sotëm është biseduar edhe për përkushtimin e sinqertë për realizimin e iniciativave në fushën e bashkëpunimit ekonomik si dhe në kuadër të takimeve të ardhshme bilaterale në nivel lokal ndërmjet Shkupit dhe Pragës.
