Presidenti ukrainas, Volodymyr Zelensky përshëndeti vendimin e Komisionit Evropian për të anuluar masat kufizuese kundër eksporteve bujqësore të Ukrainës.
“Masat kufizuese kundër eksporteve tona bujqësore nga Bashkimi Evropian janë anuluar”, tha Zelensky, shkruan CNN.
“Tani, është e rëndësishme që uniteti evropian të funksionojë në një nivel dypalësh – me fqinjët”, theksoi ai.
Presidenti ukrainas tha se “një takim i gjatë me zyrtarët e qeverisë dhe Zyrën në lidhje me taktikat e mëtejshme” në mbrojtjen e marrëveshjeve të Ukrainës dhe tregtisë së lirë me BE u mbajt të premten.
Komisioni Evropian shkroi në një deklaratë atë ditë se “Ukraina ka rënë dakord të prezantojë çdo masë ligjore (përfshirë, për shembull, një sistem licencimi të eksportit) brenda 30 ditëve për të shmangur rritjet e grurit.”
“Komisioni Evropian do të përmbahet nga vendosja e ndonjë kufizimi për sa kohë që masat efektive nga Ukraina janë në fuqi dhe funksionojnë plotësisht”, thuhet në deklaratë.