Kreu i institutit kryesor shtetëror rus të vaksinave raportohet se është zhdukur së fundmi në Moskë.
Policia tha se është në kërkim të 59 vjeçarit Viktor Trukhin, pasi familjarët e kanë denoncuar të zhdukur katër ditë më parë.
Burri nuk është parë prej 3 shtatorit, ditën kur sipas raportimeve është shkarkuar nga drejtimi i Agjencisë Mjekësore Biologjike, me argumentin ‘abuzime të shkallës së madhe’.
Trukhin kishte qenë më parë drejtor i Institutit të Kërkimit të Vaksinave e Serumeve në Shën Petersburg për 11 vjet.
I shkolluar si avokat, ai ishte në njohuri të të gjithë projekteve ruse në fushën e vaksinave, serumeve apo ‘preparateve bakteriale’.
Instituti ka qenë aktiv në prodhimin e mjekimeve të koronavirusit apo sëmundjeve të tjera infektive dhe luante rol kryesor në eksportimin e vaksinave ruse, shkruan rrjeti Metro.co.uk.
Klienti kryesor i agjencisë është zyrtari i afërt me Putin, Sergei Chemezov, ish-agjent i KGB dhe aksionet kryesor në ROSTEC, grupi shtetëror rus i teknologjisë.
Instituti Trukhin drejtohet gjithashtu nga agjencia ruse e sigurisë kimike, biologjike dhe të radiacionit.
Rrjeti vendas Mash tha se bija e zyrtarit të zhdukur, Trukhin e ka parë atë për herë të fundit me 3 shtator në Maskë.
Llogaritë e tij në rrjetet WhatsApp e Telegram u rihapën për pak kohë më 5 shtator por prej atëhere nuk ka qenë më në kontakt.