Në një aksident trafiku që ndodhi dje pasdite pranë Kilkisit në pjesën veriore të Greqisë, një shtetas 55-vjeçar i Maqedonisë së Veriut humbi jetën pas përplasjes së dy makinave, raportuan mediat greke, sipas korrespondentes së MIA-s nga Athina. Sipas të njëjtave informacione, automjeti që drejtohej nga 55-vjeçari u përplas drejtpërdrejt me një makinë tjetër të drejtuar nga një grua 44-vjeçare.
Në vendin e aksidentit mbërritën edhe zjarrfikësit, të cilët ndërhynë për të nxjerrë drejtuesin e mjetit, i cili u transportua në një spital në Selanik, ku u konstatua vdekja e tij. Në makinën tjetër, së bashku me 44-vjeçaren, udhëtonin një burrë 38-vjeçar dhe dy vajza trevjeçare, të cilët u transportuan të gjithë në spital. Shkaqet e aksidentit janë ende të panjohura dhe është hapur një hetim paraprak.
Shërbimi zjarrfikës i Greqisë njoftoi se tetë zjarrfikës me katër automjete ndërhynë për të nxjerrë një burrë pa shenja jete dhe një grua të plagosur nga dy makina pas një aksidenti rrugor pranë Nea Santa, në zonën më të gjerë të Kilkisit .