Njohës të çështjeve politike dhe integrimeve evropiane ka mendime të ndryshme sa i përket hapjes së urës së Ibrit dhe kërkesës së faktorit ndërkombëtar që kjo çështje të zgjidhet përmes dialogut Kosovë-Serbi.
Me gjithë paralajmërimet e institucioneve të Kosovës që Ura e Ibrit do të hapet së shpejti, kjo urë vazhdon të jetë e mbyllur. Politologu, Albinot Maloku nuk pret konkretizim të hapave nga qeverisë për këtë çështje duke e cilësuar si populist synimin e saj për hapjen e urës.
“Hapja e urës do duhej të bëhej kohë më pare duhej të jetësohej marrëveshja për këtë çështje. Angazhimin aktual po e shoh më shumë si populist në frymën e regresit të kësaj qeverie,,, diskutim populist pa efekt dhe pa konkretizim të hapave nga qeveria”, tha Maloku për rtv21.
Njohësi i Integrimeve Evropiane, Avni Mazrreku, ndërkaq thotë organet kompetente duhet ta bëjnë vlerësimin e kushteve për hapjen e Urës së Ibrit por që sipas tij, BE-ja duhet t’i bëjë presion Serbisë për moskundërshtim të veprimeve demokratike në Kosovë.