Për herë të dytë në më pak se një muaj, qeveria emëron, më pas tërheq propozimin për zgjidhjet kadrovike. Pasi mediat njoftuan se emërimi i Afrona Vërzivollit për revizore e Fondeve IPA ishte i dyshimtë dhe pasi që Antikorrupsioni njoftoi se do të hapë rast, ndërsa zyra e BE-së në Shkup se do ta kontrollonte rastin, Qeveria ndërroi mendje dhe pritet që Vërizvollit të shkarkohet.
Problemi ishte biografia e saj, pra se ajo nuk i plotësonte kushtet për këtë pozicion. Konkretisht, sipas informacioneve, ajo nuk kishte fare licencë për revizorë.
Para vendimit të Qeverisë se do të shkartohet Vërizvolli, u deklarua edhe LSDM.
Ndryshe dy javë më parë, si kandidat i koalicionit VLEN, Qeveria propozoi Ibrahim Elezin për ushtrues detyre të drejtorit në një departament të burgut në Veles. Skandali qëndronte në atë se Elezi u dënua dhe kaloi katër vjet në burgun e Idrizovës për shitje të lëndëve narkotike. Pasi mediat publikuan emrin dhe dosjen e tij, autoritetet e tërhoqën menjëherë nga lista e përbërjes së re pa asnjë shpjegim apo koment.