Nëpunës policorë të SPB Kumanovë, dje në orën 4:00, e kanë privuar nga liria A.I. (35) nga fshati Nikushtak, komuna e Likovës.
Siç bëri të ditur MPB, ai është dënuar me pesë vjet e shtatë muaj dënim me burg për veprat penale “prodhimi i palejuar dhe lëshim në qarkullim të drogave narkotike, substancave psikotrope dhe prekursorëve” sipas nenit 215, “trafikimi i qenieve njerëzore” sipas nenit 418 dhe “falsifikimi i dokumenteve” sipas nenit 378 të Kodit Penal, dhe kërkohej me urdhër për vazhdimin e vuajtjes së dënimit prej tre vjetëve.
Personi është dërguar në Institucionin Ndëshkues-Korrektues të Burgut “Idrizovë” për të vuajtur pjesën e mbetur të dënimit me burgim.