Policia e Kosovës ka njoftuar se ka dënuar disa persona që kanë realizuar gara me vetura sportive në autostradat e Kosovës. Policia njofton se përveç dënimit me nga 400 euro, shoferëve iu është ndaluar drejtimi i veturave në periudhë kohore prej 10 muajve.
Njoftimi i Policisë:
“Identifikimi i garave ilegale të shpejtësisë në autostradë”
Njësia për Kontroll të Autostradave në kuadër të planit “Parandalimi i garave ilegale të shpejtësisë në autostrada” ka identifikuar shoferët duke bërë gara ilegale të shpejtësisë, të njëjtit janë gjobitur me nga 400 € dhe nga 10 muaj iu është ndaluar drejtimi i mjetit me veprim motorik si dhe janë larguar nga trafiku.