Kryetarja e Qytetit të Shkupit Danella Arsovska sot hapi manifestimin “Ditët e Nënë Terezës”, e cila është pjesë e ofertës së pasur kulturore në qytet në prag të kandidaturës së Shkupit – Kryeqendra e kulturës evropiane 2028. Me këtë eveniment u hap edhe ekspozita e mozaikëve në Shtëpinë përkujtimore të Nënë Terezës në rrugën Maqedonia, me temë “Nënë Tereza – nga Shkupi deri në Kalkutë”, autor i së cilës është Izet Zeqiri, rektor i Universitetit “Nënë Tereza” Shkup.
Veprat humanitare të shkupjanes sonë Nënë Tereza, si dhe mesazhet e saj për dashuri, paqe dhe solidaritet, qofshin gjithmonë inkurajim për secilin prej nesh. Të qenit njerëzor me kujdesin për ata që kanë më së shumti nevojë për të është motivimi dhe prioriteti ynë i përditshëm – theksoi sot kryetarja e qytetit të Shkupit Arsovska.
Evenimentet në kuadër të “Ditëve të Nënë Terezës” organizohen me rastin e kanonizimit, gjegjësisht shpalljes së Nënë Terezës shenjtore dhe ato mbahen nga data 25 gusht deri më 5 shtator në Shtëpinë Përkujtimore të Nënë Terezës.
