Në kufirin kroat është gjetur nivel i lartë i akrilamidit kancerogjen në produktet ushqimore të prodhuar nga Serbia.
Nivel i lartë i akrilamidit është gjetur në patatet e skuqura me shije speci të prodhuar në Serbi dhe është publikuar në faqen e internetit të Komisionit Evropian, transmeton n1info.rs.
Vendi i aplikimit është Kroacia, dhe njoftimi i referohet Kroacisë dhe Serbisë, thuhet në faqen e internetit të sistemit evropian të alarmit të shpejtë.
Produkti nuk ka hyrë në tregun kroat dhe është shkatërruar në mënyrë të sigurt.
Siç njofton Agjencia Kroate e Ushqimit, vlerësohet se prania e akrilamidit në ushqim mund të rrisë rrezikun e zhvillimit të kancerit në të gjitha grupmoshat.