Tajfuni i fuqishëm, por i ngadalshëm Kanun, i shoqëruar nga erëra të forta, dëmtoi linjat e energjisë elektrike në prefekturën japoneze të Okinawas, një destinacion popullor turistik dhe la rreth 200 mijë familje pa energji elektrike, me një vdekje dhe 11 të lënduar të regjistruar deri më tani.
Një burrë që ishte i bllokuar nën garazhin e shembur vdiq menjëherë pas kësaj, sipas një deklarate nga Agjencia për Luftimin e Zjarrit dhe Fatkeqësive Natyrore, raporton Reuters.
Afro 700 mijë banorë të kësaj prefekture, e cila ndodhet rreth 1600 kilometra në jugperëndim të kryeqytetit japonez Tokio, u këshilluan të evakuohen për shkak të stuhisë që lëviz në veriperëndim me shpejtësi dhjetë kilometra në orë, tha në një deklaratë Agjencia Meteorologjike e Japonisë.