Koordinatori i Grupit Parlamentar të Frontit Europian, Blerim Bexheti nëpërmjet një statusi në rrjetin social Facebook ka reaguar në lidhje me deklaratën e zëvendëskryeministrit të parë Izet Mexhiti ku ky i fundit sot deklaroi se pritet që gjykatësit shqiptarë të mos marrin pjesë në seancë, me çka cili do që të jetë vendimi, i njëjti nuk do të ketë legjitimitet. Bexheti shkruan: A e kuptoj më në fund Izet Mexhiti se nuk bëhet fjalë për TRE NENE por për Ligjin për përdorimin zyrtar të Gjuhës Shqipe në TËRËSI?!
A e “kthjelli” rendi i ditës i Gjykatës Kushtetuese për mbledhjen e caktuar për me 11 dhjetor në ora 09:30, se kontestohen më shumë se TRE NENE dhe sot na “uron që gjykata kushtetuese të jetë në vijë të marrëdhënieve ndëretnike”!
Që të jetë edhe më “kthjelluese” për të, tani deklaron që, pjesëmarrja e gjykatësve shqiptarë ju jep LEGJITIMITET vendimeve të kësaj Gjykate !
