Mehmet Loci, ish-pjesëtarë i Sigurimit të Shtetit të Jugosllavisë i akuzuar për dhunë ndaj shqiptarëve gjatë marrjes në pyetje të cilët ishin arrestuar për aktivitete ilegale dhe politike ka rrëfyer versionin e tij në Debat Plus në RTV Dukagjini. Nga ish të burgosurit politik të cilët kanë rrëfyer vuajtjet e tyre Loci është përmendur si njëri ndër UDB-shët më të dhunshëm
Mehmet Loci e ka pranuar në “Debat Plus”, se ka ushtruar dhunë ndaj ish të burgosurve politikë shqiptarë.
Ai tha se nuk është “i shenjtë e as i virgjër” dhe se nuk e pretendon një gjë të tillë.
“Lidhja e duarve për radiator, kurë se kam apliku… e kam përjetu vetë lidhjen për radiator kur kam ra në burg në ’94-tën. Është sot shumë e vështirë të trajtohet një temë kaq e ndishme në kuptimin sociologjik dhe psikologjik të familjeve tona… ndiej një obligim a ka mundur ndonjëherë që gërdia ime të më lëshoj, me siguri që po, a kam qenë në kuptimin e masës represive, që është parapa me rregulloren e punës që mund të ndërmerren masat represive, nuk jam i virgjër dhe nuk jam i shenjtë.”, tha ai.
Ermal Panduri: A ke sjellë ndonjëherë?
Mehmet Loci: Po [ kam sjellë].