Analisti politik dhe njohësi i rrethanave politike në Kosovë dhe Maqedoni, Lirim Mehmetaj përmes një statusi në rrjetet sociale ka përshkruar gjendjen politike të shqiptarëve të Maqedonisë nga formimi i Qeverisë, VMRO-VLEN, pjesë e të cilës është edhe Lëvizja Vetëvendosje.
Mehmetaj thotë se nga dita e formimit të Qeverisë së re, është ulur përqindja e shqiptarëve në administratën publike.
Pohon se nga ajo ditë është rritur përqindja e serbëve në administratën publike.
Shton se shqiptarët humbën pozitën e zëvendëskryeministrit të parë dhe atë pozitë e gëzojnë komuniteti serb, për herë të parë.
Mehmetaj foli edhe për marrëveshjen e re mes Serbisë dhe RMV-së që policia serbe të patrullojë nëpër Maqedoni dhe thotë se ka filluar arrestimi i ish ushtarëve të UÇK.
Reagimi i plotë:
Prejse është formuar qeveria e re në Maqedoninë e Veriut, pjesë e së cilës është edhe Lëvizja Vetëvendosje:
Është ulur përqindja e shqiptarëve në administratën publike…
Është rritur përqindja e serbëve në administratën publike…
Nga zëvendës-kryeministri i parë shqiptar, në zëvendës-kryeministër serb, për herë të parë kjo…
Është zvogëluar fuqia politike në qeveri e shqiptarëve…
Është marrë vendim që policia e Serbisë të patrullojë nëpër Maqedoninë e Veriut…
Ka filluar arrestimi i ish-pjesëtarëve të UÇK-së që kanë fletarreste nga Serbia…
Ka filluar të zbehet përdorimi i gjuhës shqipe nëpër institucione…
Derisa politikani kryesor i grupacionit politik VLEN, Arben Taravari, ka thënë në një intervistë se lufta e UÇK-së në 2001 ishte gabim dhe se më mirë do të ishte të mos ndodhte kurrë…
Po më thonë disa, Lirim si e pate ditur se kështu do të ndodhë?
Si mos ta dija, këta përkraheshin nga Albin Kurti. Kaq më mjaftonte.