BDI kundërshton idenë e VLEN për krijimin e Akademisë Shqiptare për Shkencë dhe Art në Maqedoninë e Veriut. Nga BDI kundërshtojnë mënyrën e financimit të këtij institucioni, ndërkaq thonë se VLEN, si parti në pushtet, duhet të angazhohet për kryesimin e ASHAM (Akademisë së Shkencave dhe Arteve të Maqedonisë.
“Vlen paska “themeluar” “AKADEMINË” e shkencave dhe arteve e cila do të financohet, imagjinoni, nga Komunat, rast i vetëm në botë, një akademi mahallash. Kështu ndodhi me Muzeun e Lirisë, Teatrin për fëmijë dhe me dhjetëra improvizime tjera komunale që shërbyen për të hedhur hi syve. Në vend se të marrin kryesimin e Akademisë shtetërore për shkencë dhe arsim, të krijonin vend për më tepër akademikë, të votonin ligjin që ne propozuam ndërsa ata e bllokuan me VMRO-në për përfaqësim të drejtë dhe adekuat në ASHAM, këta dolën me “idenë e madhe komunale” që poshtërson akoma më tepër shqiptarët”, thuhet mes tjerash në reagimin e BDI-së