Prokuroria Publike do të zhvillojë hetime kundër 21-vjeçarit i cili dyshohet se ka vrarë një ushtar të Maqedonisë së Veriut në qytezën Makedonski Brod.
Sipas njoftimit, dje i dyshuari me pushkë gjuetie ka qëlluar ushtarin profesionist 31 vjeçarnë oborrin e një shtëpie në fshatin Kalugjerc. Shkak i vrasjes është bërë një mosmarrëveshje verbale banale e karakterit privat. Prokuroria ka kërkuar ndalimin e të dyshuarit.
“I dyshuari me dashje i ka marrë jetën një personi në oborrin e një shtëpie në fshatin Kalugjerc, duke i shkaktuar një plagë me armë zjarri me një plumb të pushkës së gjahut. Viktima është ushtar profesionist i ARM i moshës 31 vjeçare, por shkak i vrasjes është bërë një mosmarrëveshje verbale banale e karakterit privat”, thuhet në njoftimin e Prokurorisë Publike të Shkupit.