Nejmar është shumë afër kalimit në Barcelonë, pasi që ka arritur marrëveshje personale me klubin. Kështu raporton gazetari i njohur me burime pranë Barcelonës, Hoze Alvarez.
Sipas Alvarez, Barcelona ka arritur një marrëveshje totale me lojtarin për kontratën e tij personale ku ai do të paguhet 13 milionë euro për dy sezone.
Sipas këtij raporti, Barcelona e ka mundësinë që t’ia zgjasë plus edhe një vit kontratën. Që të kompletohet ky transfer duhen edhe dy pjesë për t’u përmbushur. Fillimisht shkëputja e kontratës në pajtim dypalësh me Paris Sen Zhermenin, si dhe duhen bërë disa largime nga Barcelona, në mënyrë që futbollisti të regjistrohet.