Jo të gjithë futbollistët binden nga ofertat milionëshe nga Arabia Saudite dhe jo të gjithë pranojnë transferimin në Lindjen e Mesme.
Sulmuesi francez, Kingsli Koman ka refuzuar dy oferta të çmendura nga Arabia Saudite. Mediumi gjerman ‘TZ’ ka raportuar se dy skuadra nga katërshja e madhe në Arabinë Saudite (Al-Nassr, Al-Ittihad, Al-Hilal, Al-Ahli), kanë ofruar shuma të çmendura për transferimin e francezit.
Gjithnjë sipas mediumit gjerman, Koman ka pasur dy oferta në tavolinë njërën me 45 milionë euro në sezon dhe tjetrën me 65 milionë euro në sezon, por që të dyja i ka refuzuar.
Kontratat e ofruara nga klubet arabe kanë qenë tre vjeçare dhe Koman i bie që ka refuzuar 195 milionë euro për tre vite vetëm për të qëndruar te Bajerni. Koman është pjesë e Bayernit që nga viti 2015, derisa ka rinovuar kontratën dhe është i lidhur me gjigantin gjerman deri në verën e vitit 2027./alsat.mk