Lufta ka mbërritur në Moskë, kryeqyteti rus.
Kryebashkiaku i kryeqytetit, Sergei Sobyanin është shprehur se disa dronë janë rrëzuar gjatë natës, por “një fluturoi në të njëjtën kullë në kompleksin e qytetit Moskva” që ishte në shënjestër të dielën.
Fasada e godinës është dëmtuar në katin e 21-të, thotë kryebashkiaku. Nuk raportohet për të lënduar.
Ministria ruse e mbrojtjes fajësoi Ukrainën për sulmin e fundit. Kievi zakonisht nuk bën komente për këtë çështje.
Në një deklaratë të shkurtër, Sobyanin tha se “xhami u shkatërrua mbi 150 metra katrorë”.
Ai shtoi se shërbimet e emergjencës po punojnë në vendngjarje.
Ndërkohë, ministria ruse e mbrojtjes tha se dy drone ukrainas ishin rrëzuar nga sistemet kundërajrore në rajonin e Moskës.
Ai tha se një tjetër dron ishte rrëzuar në kompleksin jo-rezidencial të Moskva City.
Aeroporti Vnukovo i Moskës u mbyll për pak kohë, njoftuan agjencitë ruse të lajmeve.
Moska e ka akuzuar vazhdimisht Ukrainën për kryerjen e sulmeve me dronë në territorin e saj në muajt e fundit, duke përfshirë një në Kremlin – rezidenca e presidentit Vladimir Putin në kryeqytet – në maj.
Megjithëse Ukraina nuk ka marrë përgjegjësinë për incidente specifike, presidenti ukrainas Volodymyr Zelensky ka thënë se sulmet në territorin rus janë një “proces i pashmangshëm, i natyrshëm dhe absolutisht i drejtë”./zhurnal