Presidenti i Republikës Srpska (RS) Millorad Dodik ka deklaruar se gjyqi kundër tij para Gjykatës së BiH për moszbatimin e vendimeve të Përfaqësuesit të Lartë nuk do të përfundojë me aktgjykim, por se procesi do të paracaktojë fatin e Bosnjë dhe Hercegovinës (BiH).
“Ne nuk mendojmë se duhet të kishte ardhur deri këtu, por do të shohim se si do të shkojë. Është e pakëndshme për mua të flas për këtë, por mendoj se do të përcaktojë jo vetëm pozicionin, por edhe fatin e BiH,” i tha Dodik Televizionit Alternativ të Banja Lukës (ATV).
Ai shtoi se gjyqi kundër tij thotë gjithçka në lidhje me marrëdhëniet në BiH, duke deklaruar se prokurorët dhe gjyqtarët pranojnë që një i huaj (Përfaqësuesi i Lartë në BiH) u imponon ligje dhe “krijon një histori që zgjat si sharrë”, shkruan N1.
Dodik beson se prokurorët u detyruan të ngrinin një aktakuzë kundër tij.
“Natyrisht që ka një komplot ndërkombëtar për ta realizuar atë dhe janë nisur, për këtë arsye dhe do të shohim se si do të përfundojë”. Unë mendoj se gjërat nuk do të përfundojnë me aktgjykim, ajo që është më interesante është se çfarë do të ndodhë pas tij,” tha ai.
Gjyqi i Dodik dhe ushtruesit të detyrës së Gazetës Zyrtare të RS-së, Millosh Lukiq, për moszbatim të vendimeve të Përfaqësuesit të Lartë do të vazhdojë nesër( e mërkure) para Gjykatës së BiH.
Avokati Goran Bubiq tha se nesër do të dëshmojë Dodik, i akuzuari i parë në këtë procedurë.